چارسدہ کی تحصیل اتمانزئی کے علاقے طارق آباد میں ابراہیم نامی شخص کے گھر میں گیس سلنڈر پھٹنے سے 2بچے جاں بحق جبکہ ان کا باپ زخمی ہوگیا۔
واقعے کی اطلاع ملتے ہی ڈسٹرکٹ ایمرجنسی آفیسر غیور مشتاق خان کی ہدایت پر ریسکیو 1122 چارسدہ کی ایمبولینس اور فائر وہیکل فوری طور پر جائے حادثہ پر روانہ کی گئیں۔
حادثے کے نتیجے میں ابراہیم شدید زخمی ہوگیا، جبکہ ان کے دو بچے ( بیٹا اور بیٹی) موقع پر ہی جاں بحق ہوگئے۔
ریسکیو 1122 اہلکاروں نے فوری امدادی کارروائی کرتے ہوئے زخمی کو طبی امداد کے لیے منتقل کیا۔