کراچی میں ہونے والی تباہ کن بارش نے جہاں پوش علاقوں میں رہنے والوں کو پریشان کرکے رکھا وہیں عام شہریوں نے بھی عید کے موقع پر خوب تکلیف اٹھائی۔ کسی کے گھر میں پانی بھر گیا تو کسی کا جانور کرنٹ لگ کر مرگیا۔ ایسے ماحول میں عید کی خوشیاں بھی ماند پڑ گئیں۔
ایسے میں ایک شخص کی ویڈیو سوشل میڈیا پر خؤب وائرل ہوئی جس پر لوگوں نے خوب مذاق اڑایا مگر جب اس شخص نے حقیقت بتائی تو جان کر افسوس بھی ہوا۔ اس شخص نے پنجاب چورنگی پر موجود انڈر پاس میں بارش کے بھرے ہوئے پانی سے کپڑے ہی دھونے شروع کردیے۔ جب اس سے حقیقت معلوم کی گئی تو اس نے بتایا کہ میں پھل بیچتا ہوں اور بارش میں سب کچھ چوری ہوگیا، میری بچی کا ایک جوڑا اور ایک اپنا ہے، وہ دھو رہا ہوں۔ باقی کپڑے تک ادھار مانگ کر پہن رہے ہیں۔