مریم نواز عوام میں کافی مقبول ہیں۔ ن لیگ کی رہنما کی ایسی ویڈیو وائرل ہورہی ہے جس میں انہیں سونے کا تاج پہنایا جارہا ہے۔ ویڈیو دیکھیے

یہ ویڈیو پنجاب کے ڈسٹرکٹ لیہ کی ہے جہاں مریم نواز صوبائی اسمبلی کے حلقہ پی پی 282 کے لئے ہونے والے جلسے میں شرکت کے لئے گئی تھیں۔ مریم نواز کے اسٹیج پر پہنچتے ہی علاقے کے مقامی رہنما رانا ثناء اللہ کی والدہ نے اسٹیج پر آکر مریم نواز کو سونے کا تاج تحفے میں دیا جسے مریم نواز نے پہن کر تھوری دیر بعد کارکنوں کو دے دیا

پہلے بھی ہیرے جڑا سونے کا تاج پہنایا جاچکا ہے

واضح رہے کہ مریم نواز کو اس سے پہلے بھی کئی بار عوام کی جانب سے سونے کا تاج پہنایا جاچکا ہے۔ فروری 2018 میں شیخو پورہ میں جلسہ کرتے ہوئے مریم نواز کو ٥٥ گرام سونے کا تاج پہنایا گیا تھا جس میں ایک بڑا روبی اور کئی ہیرے جڑے ہوئے تھے۔ ان ہیروں کی مالیت 13 لاکھ تھی۔