پنجاب میں ضمنی انتخابات کا میدان سج چکا ہے ساتھ ہی سیاسی جماعتوں کی جانب سے کچھ ایسے قدم بھی اٹھائے جا رہے ہیں جو سب کی توجہ حاصل کر رہے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر پاکستان تحریک انصاف کے سوشل میڈیا اکاؤنٹ کی جانب سے ایک ویڈیو اپلوڈ کی گئی جس میں بتایا گیا تھا کہ پولنگ اسٹیشن کے پاس کھلے عام آٹا تقسیم کیا جا رہا ہے۔
یعنی سیاسی جماعتیں ووٹ حاصل کرنے کے لیے آٹے کی بوریاں تقسیم کر رہی ہیں، سفید رنگ کے مزدا ٹرک میں ہرے رنگ کی بوریاں موجود ہیں جنہیں وہاں موجود لوگ اٹھا رہے ہیں۔
ویڈیو میں دیکھا جا سکتا ہے جب ایک شہری نے سوال کیا کہ یہ آپ کیا کر رہے ہیں تو ٹرک کے عملے کا کہنا تھا کہ پنجاب حکومت کی جانب سے آٹا تقسیم کیا جا رہا ہے۔ جس پر شہری کا کہنا تھا کہ پی پی 7 کہوٹہ بیور چوک پر پنجاب حکومت کی جانب سے پولنگ والے دن آٹا تقسیم کیا جا رہا ہے۔
ساتھ ہی پی ٹی آئی کی جانب سے دھاندلی کے حوالے سے بھی آواز اٹھائی جا رہی ہے۔