کراچی کے علاقے کریم آباد میں پانچ منزلہ رہائشی عمارت گر گئی جس کی خبر سوشل میڈیا پر وائرل ہو رہی ہے۔
اس حوالے سے پولیس کا بیان سامنے آیا ہے جس میں انہوں نے کہا ہے کہ یہ واقعہ عائشی منزل سے لنڈی کوتل کے قریب موسیٰ کالونی میں پیش آیا ہے جہاں گذشتہ رات عمارت کو مخدوش ہونے پر خالی کرالیا گیا تھا۔
پولیس کے مطابق مذکورہ عمارت آج پیر کی صبح منہدم ہوئی جس میں فوری طور پر کسی جانی نقصان کی اطلاع نہیں ملی ہے۔
عمارت گرنے کی سی سی ٹی وی فوٹیج بھی وائرل ہو رہی ہے۔
ذرائع کے مطابق رہائشی عمارت گرنے کی اطلاع ملنے کے فوری بعد فائر بریگیڈ کا عمل بھی وقت پر پہنچ گیا۔
پولیس کے مطابق عمارت 40 گز اراضی پر تعمیر کی گئی تھی جو کہ غیر قانونی بھی تھی جب کہ عمارت میں 5 فلیٹ تھے۔