تصاویر اگر پہیلی کا روپ دھار لیں تو صرف آنکھوں سے دیکھنا کافی نہیں ہوتا بلکہ دماغ بھی سوچنے پر مجبور ہوجاتا ہے۔ یہی چیز دماغ کے ساتھ سیکھنے کا عمل بھی تیز کرتی ہے۔ آج ہم چند ایسی ہی تصاویر لے کر حاضر ہوئے ہیں جنھیں دیکھ کر آپ بھی ان کے بارے میں کچھ دیر تو ضرور ہی سوچیں گے۔

الگ الگ دھڑ کی بلی

اس تصویر کو دیکھ کر ایسا لگ رہا ہے جیسے ایک بلی کا آدھا دھڑ نیچے ہے اور ایک کا اوپر لیکن درحقیقت ایسا نہیں ہے۔ یہ دو الگ الگ بلیاں ہیں جن میں سے ایک اوپر والے ڈبے میں ہے تو دوسری نیچے ڈبے میں داخل ہورہی ہے مگر دونوں کا جسم گتوں کے اندر کچھ اس انداز میں ہے جیسے لگ رہا ہو یہ ایک ہی بلی ہے۔

اتنی لمبی گائے

یقینا اس تصویر نے ہمارے دماغ کو پریشان کر دیا۔ تصویر میں موجود دکھائی دینے والی لمبی گائے دراصل لمبی نہیں بلکہ پینوراما (Panorama) شاٹ سے لی گئی ہے جس دوران گائے چل رہی ہے۔ یہی وجہ ہے کہ گائے کی اپنی جگہ سے حرکت کرنے کی وجہ سے یہ اتنی لمبی نظر آرہی ہے۔

بالوں سے بھرا یہ چہرہ کس کا ہے؟

پہلی نظر میں اس تصویر کو دیکھنے میں لگتا ہے کہ کوئی آدمی ہمیں دیکھ رہا ہو۔ لیکن پھر سمجھ آتا ہے کہ یہ کسی آدمی کے پیچھے کے حصے والے بال ہیں جہاں اس نے انسانی شکل والا ہیر اسٹائل بنوایا ہے۔