اس معاشرے میں رہنے والے سب ہی لوگ یہ بات تو جانتے ہیں کہ بچوں کے گھر میں ہونے سے رونق ہوتی ہے مگر کچھ پاکستانی ایسے بھی ہوتے ہیں جنہیں اللہ پاک نے 4 سے 5 بچوں سے نواز رکھا ہوتا ہے۔
مگر آج ہم آپکو بتانا چاہیں گے ایک ایسا بھی پاکستانی ہے جو ابھی بھی 100 بچوں کی خواہش رکھتا ہے، آئیے ان کے بارے میں جانتے ہیں۔
اس شخص کا نام ہے محمد جان خلجی جو کہ پاکستان کا رہائشی ہے اور اپنے 25 بچوں پر بہت خوش ہے بلکہ چاہتا ہے کہ اب یہ بچوں کی تعداد 100 کے قریب پہنچ جائے ۔ جی ہاں آپ نے بالکل ٹھیک سنا ہے۔
بیٹی کی پیدائش پر 2016 میں دیے گئے انٹرویو میں ان کا کہنا تھا کہ بچی کی ماں اور بچی خود بھی بالکل ٹھیک ہے جبکہ یہ سارا اللہ کا کرم ہے کہ جس نے مجھے اس قدر نواز رکھا ہے۔ جان محمد کی بڑی بیٹی کہتی ہے کہ میں بہت خوش ہوں کیونکہ میں اکثر اپنے بڑے بھائی سے کہتی تھی کہ دیکھنا اللہ ہمیں بیٹی دے گا۔
اور یوں لڑکیاں زیادہ ہو جائیں گی تو ہم آپ لڑکوں سے جیت جائیں گے۔ اس کے علاوہ آپکو یہ بھی بتاتے چلیں کہ جان محمد کے تمام بچے ان سے خوب پیار کرتے ہیں جب بھی یہ گھر میں داخل ہوتے ہیں تو بچے انہیں آ کر پیار سے پکڑ لیتے ہیں۔