مشہور علمائے کرام اور مذہبی رہنماؤں کی ایک ویڈیو کافی وائرل ہے جس میں مذہبی رہنما افغان طالبان سے مصافحہ کرتے دکھائی دے رہے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
پاکستانی علماء کا 8 رکنی وفد اس وقت کابل میں موجود ہے، جہاں پاکستان کے مذہبی رہنماؤں کی افغان طالبان خوب خاطر تواضع کر رہے ہیں۔
سوشل میڈیا پر موجود ویڈیو میں دیکھا جا سکتا ہے کہ مفتی تقی عثمانی سمیت دیگر علماء کے وفد کو خوش آمدید کیا جا رہا ہے، پاکستانی وفد حامد کرزئی انٹرنیشنل ائیرپورٹ کے ذریعے افغانستان میں داخل ہوا جہاں ان کے استقبال کے لیے سینئر افغان طالبان رہنما اور پاکستانی سفیر موجود تھے۔
وفد میں مفتی تقی عثمانی کے ساتھ ساتھ وقف المدارس العربیہ کے سربراہ قاری حنیف جالندھری اور جمیعت علمائے اسلام فضل کے سینیٹر طلحہٰ محمود بھی موجود تھے۔
اس دورے کا مقصد پاکستانی علمائے کرام کا تحریک طالبان پاکستان سے مذاکرات کرنا ہے۔ جبکہ اس دورے کا ایک مقصد ٹی ٹی پی اور پاکستانی حکومت کے درمیان سیاسی مذاکرات اور مسئلے کا حل نکالنا ہے۔