بریگیڈیئر محمد خالد شہید کا نام بھی ان شہیدوں میں شمار ہوگیا جنہوں نے وطن کے لوگوں کی جانوں کو محفوظ بنانے کی خاطر اپنی جان کا نذرانہ پیش کردیا۔
افواجِ پاکستان کے شہید بریگیڈیئر محمد خالد جن کی فیملی آج سوگ میں مبتلا ہے، ان کی ایک تصویر سوشل میڈیا پر وائرل ہو رہی ہے کہ جسے دیکھنے والوں کی آنکھیں نم ہوجائیں۔
بریگیڈیئر محمد خالد سوگواروں میں اپنی اہلیہ اور 6 بچوں کو چھوڑ کر اس دنیا سے کوچ کر گئے۔ وائرل ہونے والی تصویر میں دیکھا جاسکتا ہے کہ محمد خالد کے جسدِ خاکی سے اُن کے پچے لپٹے ہوئے ہیں جو ایک دردناک تصویر کا منظر پیش کر رہی ہے۔
یقیناً وہ لمحہ ان لوگوں کے لیے بہت ہی تکلیف دہ ہوتا ہے جب گھر کا واحد کفیل یعنی باپ اپنے بچوں سے بچھڑ جاتا ہے۔
خیال رہے بلوچستان میں تباہ ہونے والے ہیلی کاپٹر میں بریگیڈیئر محمد خالد کے علاوہ افواجِ پاکستان کے 5 فوجی جوان شہید ہوئے۔