عام طور پر گھر میں صابن کے ٹکڑے بچ جاتے ہیں جو کہ بعد میں پھینک دیے جاتے ہیں لیکن آج ہم آپ کو ان بے کار صابن کے ٹکڑوں کا ایسا استعمال بتا رہے ہیں جس سے آپ اپنے کئی روپے بچا سکتے ہیں۔
فلش کے ذریعے باتھ روم خوشبو دار کیسے بنایا جاسکتا ہے؟
ہر بار استعمال کے بعد ٹوائلٹ میں فلش ضرور کیا جاتا ہے۔ دنیا بھر میں باتھ روم کو صاف ستھرا اور خوشبودار بنانے کے لئے فلش میں ایسے صابن یا پاؤڈر ڈالے جاتے ہیں جو ٹنکی سے فلش میں آنے والا پانی خوشبودار اور جھاگ والا بناتے ہیں۔ اس طریقے سے ٹوائلٹ کو برش سے بار بار صاف کرنے کی نوبت کم ہی آتی ہے۔
صابن کے بچے ہوئے ٹکڑے کریں آپ کی بڑی مشکل آسان
اب ہم آپ کو یہی طریقہ گھر میں بچے ہوئے صابن کے ٹکڑوں سے آزمانے کے بارے میں بتائیں گے۔ صابن کے بچے ہوئے ٹکڑوں کو فلش کھول کر اس میں ڈال دیں۔ جب بھی آپ فلش کا بٹن دبائیں گی اس سے صابن کی خوشبو والا پانی نکلے گا جو ٹوائلٹ کو صاف ستھرا بھی بنائے گا اور باتھ روم سے ناگوار بو کا بھی خاتمہ ہوجائے گا۔ دوسری جانب اس طریقے سے بچے ہوئے صابن کے ٹکڑے بھی کارآمد بنائے جاسکتے ہیں۔