وفاقی وزارت داخلہ کی جانب سے نجی ٹی وی اے آر وائی نیوز کا این او سی منسوخ کردیا گیا ہے۔
ذرائع کے مطابق وزارتِ داخلہ کی جانب سے نجی ٹی وی چینل نیوز کا این او سی منسوخ کرنے کے حوالے سے باضابطہ نوٹیفکیشن بھی جاری کیا گیا ہے۔
وزارت داخلہ کے مطابق این او سی ایجنسیوں کی رپورٹ کی بنا پر منسوخ کیا گیا ہے۔ اس حکم کا اطلاق فوری طور پر ہوگا اور تاحکم ثانی این او سی منسوخ رہے گا۔
اس حوالے سے اپنے ردِ عمل مذکورہ نیوز چینل نے اپنی ویب سائٹ پر لکھا ہے کہ آزادی صحافت کی دعویدار حکومت نے 4 ہزار صحافیوں کا معاشی قتل کر ڈالا رانا ثنا اللہ کی وزارت داخلہ نے اے آر وائی نیوز کا این او سی منسوخ کردیا۔
متعدد صحافیوں کی جانب سے اے آر وائی کا این او سی منسوخ کرنے پر پاکستان کی تاریخ اور صحافت کا سیاہ ترین دن قرار دیا جا رہا ہے۔