کہتے ہیں ہر جینئیس شخص کے اندر کوئی نہ کوئی عجیب عادت پائی جاتی ہے۔ اس بات کو نفسیاتی ماہرین کچھ یوں بیان کرتے ہیں کہ عام لوگوں کی نسبت زیادہ سوچنے کی وجہ سے باصلاحیت اور ذہین لوگ کچھ منفرد انداز میں خود کو آرام دیتے ہیں۔ آئیے جانتے ہیں دنیا کے چند مشہور اور جینئیس افراد کی حیرت انگیز عادتوں کے بارے میں۔
جھولنے والی کرسی
دنیا کے رئیس ترین لوگوں میں شمار ہونے والے بل گیٹس کسی تعارف کے محتاج نہیں۔ ان کا ماننا ہے کہ ہر ملازم اتنی ہی محنت کرے جتنی انھوں نے کی اور اسی وجہ سے وہ ملازمین کو زیادہ چھٹیاں نہیں دیتے نہ ہی خود کرتے ہیں۔ البتہ ذہنی طور پر خود کو ریلیکس کرنے کے لئے وہ جھولنے والی کرسی پر بیٹھتے ہیں۔
پبلک ٹوائلٹ میں پیر ڈال کر دھوتے تھے
ایپل کے مرحوم بانی اسٹیو جابز بھی اپنے اندر کبھی نہ ٹوٹنے والا حوصلہ رکھتے تھے مگر ان کی اس ذہنی مضبوطی کے پیچھے ایک عجیب و غریب سی عادت تھی۔ ان کی مستند بائوگرافی کے مطابق اسٹیو جابز ذہنی تناؤ دور کرنے کے لئے اپنا پیر پبلک ٹوائلٹ میں ڈال کر دھوتے تھے۔
کپڑے بدلنے میں ٹائم ضائع نہیں کرنا
فیس بک کے بانی مارک زکربرگ کو آپ نے شاذونادر ہی تھری پیس سوٹ میں دیکھا ہوگا۔ اس کی وجہ یہ ہے کہ مارک اپنی فیصلہ کن صلاحیتوں کو چھوٹی موٹی باتوں پر ضائع نہیں کرتے۔ اس لئے وہ زیادہ تر ایک عام سی ٹی شرٹ اور ہوڈی کے ساتھ جینز میں ہی نظر آتے ہیں۔