بارش سے بچنے کے لیے بائیک سوار نے انوکھی چھتری لگالی ۔۔ شہری نے اس چھتری کی قیمت کیا بتائی؟

بارش کا موسم ہے اور لوگ اپنی مدد آپ کے تحت بارش سے بچنے کے مختلف طریقے اپنا رہے ہیں۔ سوشل میڈیا پر جیسے مختلف بارش کی ویڈیوز منظر عام پر آتی ہیں وہیں ایک شہری کی بارش سے بچنے کی دلچسپ ویڈیو نے لوگوں کو اچھا آئیڈیا فراہم کر دیا ہے۔

وائرل ویڈیو میں شہری کو دیکھا جاسکتا ہے کہ اس نے بارش سے بچنے کے لیے منفرد حل ڈھونڈتے ہوئے اپنے اوپر چھتری نصب کرلی ہے جس کی ویڈیو ایک کار سوار نے موقع پر بنا کر سوشل میڈیا پر اپلوڈ کردی ہے۔

شہر میں بارش کی صورتحال کو دیکھتے ہوئے مارکیٹ میں ایک نئی چھتری آئی ہے جسے موٹر سائیکل والوں کے لیے بنایا گیا ہے۔

کار سوار شخص موٹر سائیکل والے شخص سے اس چھتری کی قیمت پوچھتا ہے تو وہ 2 ہزار روپے بتاتا ہے۔

نئے ڈیزائن والی چھتری کو لوگ پسند کر رہے ہیں اور یقیناً یہ موٹر سائیکل سواروں کے لیے اس موسم میں کسی قیمتی چیز سے کم نہیں۔