محبت کا اظہار یا شادی کی پیشکش عام طور پر مرد حضرات کی جانب سے کی جاتی ہے مگر لاہور میں ایک خاتون نے لڑکے کو شادی کی پیشکش کرنے کا ایسا انداز اپنایا کہ لوگ حیران ہوئے بغیر نہ رہ سکے۔
گزشتہ شب شہر لاہور کی ایک مصروف سڑک پر قطار میں ایسے کئی پوسٹرز دیکھے گئے جس میں فیصل عمران نامی شخص کو شادی کی پیشکش کی گئی تھی۔ گلابی رنگ کے کے پوسٹرز عوام کی توجہ کا مرکز بن گئے مگر یہ معلوم نہ ہوسکا کہ شادی کی پیشکش کرنے والی خاتون آخر ہیں کون۔
لڑکا کیا جواب دے گا؟
سوشل میڈیا پر یہ تصاویر تیزی سے وائرل ہورہی ہیں اور لوگ انتظار میں ہیں کہ کب فیصل عمران صاحب شادی کی اس دبنگ پیشکش کا جواب ہاں میں دیتے ہیں۔