باتھ روم ایسی جگہ ہے جہاں ہاتھ دھونے کے لئے واش بیسن کا موجود ہونا لازمی ہے۔ اس کے علاوہ ہر ہر بار ٹوائلٹ استعمال کرنے بعد فلش کرنا بھی ضروری ہوتا ہے۔ بار بار فلش اور بیسن میں ہاتھ دھونے سے ہم ایک دفعہ میں کئی گیلن پانی ضائع کردیتے ہیں۔

امریکہ کی ماحولیاتی تحفظ فراہم کرنے والی ایجنسی کی ویب سائٹ EPA کے مطابق ہر بار فلش کرنے پر ڈیڑھ گیلن سے زیادہ پانی ضائع ہوتا ہے۔ اسی وجہ سے آج ہم آپ کو ایسا طریقہ بتا رہے ہیں جس سے آپ زیادہ سے زیادہ پانی بچا سکیں گے۔

فلش کے اوپر نل لگوانے کا فائدہ

ٹوائلٹ کے اوپر فلش ایسی جگہ ہے جہاں سے صاف پانی فلش کے لیے باہر آتا ہے۔ اگر اسی فلش کے اوپر نل لگوالیا جائے تو ہاتھ دھونے کا پانی فلش کے لیے استعما ہوسکتا ہے جس سے پانی بھی بچ سکتا ہے اور چھوٹے باتھ روم میں الگ سے واش بیسن لگوانے کی ضرورت بھی نہیں پڑے گی۔

ٹوائلٹ پر ڈھکن

کموڈ کے اوپر تو لڈ موجود ہوتی ہے لیکن آج کل ڈبلیو سی کے اوپر بھی لڈ لگانے کا ڈیزائن متعارف کراوایا جارہا ہے جو کافی فائدہ مند ہے۔ اس لڈ کو بند کر کے فلش کرنے سے باتھ روم مہلک جراثیم سے پاک رہتا ہے۔