سندھ میں سیلاب کی تباہ کاریوں کے باعث اس وقت صورتحال انتہائی تشویشناک ہے۔بارش کی تباہ کاریوں سے متاثرہ کا کراچی آنے کا سلسلہ جاری ہے۔
اندرونی سندھ کے حالات اتنے خراب ہیں کہ لوگ نقل مکانی کرنے پر مجبور ہیں۔ اسی حوالے سے سندھ کے متاثرہ شہروں سے مختلف ویڈیوز وائرل ہو رہی ہیں جنہیں دیکھ کر انسانی آنکھ نم ہوجائے۔
ان کی مدد کے لیے خاص حفاظتی اقدامات نہیں کیئے جار ہے تاہم غریب عوام اپنی مدد آپ کے تحت خود کو مشکل سے نکال رہی ہے۔ ایک خاندان کے نقل مکانی کی دردناک تصاویر وائرل ہو رہی ہیں جس میں انہیں اپنے قیمتی سامان کے ہمراہ دوسری جگہ منتقل ہوتے دیکھا گیا۔
بارش اور سیلاب سے متاثر ایک بوڑھی خاتون شفٹ ہورہی تھی۔ امدادی ٹیم کے کارکنوں نے بوڑھی خاتون کے صندوق میں سامان دیکھنا چاہا جس میں سے ایک روٹی، چند برتن اور پانی نکلا۔
اسی طرح اور کتنے لوگ ہوں گے جو اپنے سامان کے ہمراہ نقل مکانی کرنے پر مجبور ہوں گے۔
سیلاب متاثرین کی مدد کریں، اور ہمیں اپنے رب کا شکر ادا کرنا چاہیئے کہ اس نے ہمیں بے شمار نعمتوں سے نوازا ہے۔