سیلابی صورتحال نے جہاں پورے ملک میں خوف کی فضا پیدا کر دی ہے وہیں اب تربیلا ڈیم کی بھی کچھ ایسی ویڈیوز سامنے آ رہی ہیں جو کہ سب کی توجہ حاصل کر رہی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
تربیلا ڈیم پاکستان کے بڑے ڈٰموں میں سے ایک ہے، جس طرح کراچی میں زیادہ بارشوں کے بعد حب ڈیم بھر چکا تھا اور پانی ڈیم سے باہر آنے کا امکان تھا، اسی طرح اب تربیلا ڈیم کے حوالے سے بھی خبریں سامنے آ رہی ہیں۔
پاکستان میں سیلابی کی موجودہ صورتحال اور تربیلا ڈیم میں پانی کے اضافے کے بعد سے تربیلا ڈیم کے ایمرجنسی والز کو کھول دیا گیا ہے، ایمر جنسی والز کو کھولنے سے پانی کا دباؤ جس طرح نکل رہا تھا، وہ دیکھنے والوں کو خوف میں بھی مبتلا کر رہا تھا۔
تربیلا ڈیم اتھارٹی کے مطابق جمعے کے روز تربیلا ڈیم میں 4 لاکھ کیوسک کا سیلابی ریلا داخل ہوا تھا جس کے بعد سے اسپل ویز کو کھول دیا گیا ہے۔
واضح رہے تربیلا ڈیم کی سطح پہلے ہی 1550 فٹ کی بلندی پر پہنچ چکی ہے، اس کے بعد ایک کیوسک کے ریلے کی بھی گنجائش نہیں ہے۔
جبکہ جمعے کے روز ہی ایمر جنسی والوز کھولے گئے تھے، جس میں سے تربیلا ڈیم میں موجود پانی باہر نکل رہا ہے، اس منظر نے جہاں لوگوں کو خوف میں مبتلا کیا وہیں شہریوں ڈر بھی گئے ہیں کہ گویا آس پاس کا علاقے کو خطرہ نہ ہو۔