ملک بھر میں سیلاب کی وجہ سے جہاں تمام تر سبزیوں اور پھلوں کی قیمتوں میں اضافہ ہوا ہے وہیں اب حکومت کی جانب سے بجلی اور پیٹرول کی قیمتیں بھی بڑھا دی گئی ہیں۔ پیٹرول کے مہنگا ہونے سے جہاں پہلے ہی عوام شدید سر درد میں مبتلا تھی وہیں پچھلے دنوں ٹماٹر اور پیاز کی قیمت نے پریشان کردیا۔
گزشتہ دنوں ٹماٹر 600 اور پیاز 300 روپے تک فروخت کی گئی لیکن مہنگائی کے اس بڑھتے ہوئے طوفان کے پیشِ نظر ایران سے ٹماٹر اور پیاز منگوا لیے گئے جس کے بعد ملک بھر میں پیاز اور ٹماٹر کی قیمتوں میں بڑی کمی دیکھنے میں آئی کل ڈھائی سو روپے فی کلو ملنے والا ٹماٹر آج 200 اور 150 میں بھی ملنے لگا۔
مگر صرف سبزیاں ہی نہیں حکومت نے پیٹرول اور بجلی کے نرخوں میں بھی اضافہ کر دیا جس سے اس ماہ کا خرچہ ایک عام صارف کے لیے نکالنا مشکل ہے، جہاں تمام تر چیزوں کے دام بڑھے ہیں وہیں ان اضافی اخراجات کی مد میں مہینے بھر کا خرچ کرنا مشکل ہوگیا ہے ۔ لیکن ابھی یہ دیکھنا باقی ہے کہ سیلاب
کے بعد دیگر چیزوں کی قیمتوں میں کس حد تک اضافہ ہوگا۔