پاک سر زمین پارٹی کے بانی مصطفیٰ کمال نے وزیر اعلیٰ سندھ سید مراد علی شاہ کو طنزیہ مشورہ دیتے ہوئے انہیں سیلاب متاثرین کی مدد کرنے کا مطالبہ کردیا۔
سید مصطفیٰ کمال نے اس حوالے سے سماجی رابطے کی ویب سائٹ
ٹوئٹر پر ٹوئٹ کیا جس میں انہوں نے سید مراد علی شاہ پر کڑی تنقید کی۔
انہوں نے کہا کہ آپ دکھ کی اس گھڑی میں حکومت سندھ کے تمام وزراء اور سرکاری افسران سے گزارش ہے کہ ایک ماہ کی تنخواہ کے بجائے اپنی ایک ماہ کی ' رشوت' سیلاب زدگان کے نام کردیں۔
مصطفیٰ کمال نے مزید اپنی ٹوئٹ میں لکھا کہ اس سے یہ ہوگا کہ ایک سال تک کے لیے سندھ کے باشندوں کے لیے ایک ماہ کا بندوبست ہوجائے گا۔