افغانستان ایک بار پھر بم دھماکے سے گونج اٹھا۔ بین الاقوامی میڈیا کے مطابق جمعے کے دن ہرات کی مسجد کے باہر دھماکے سے طالبان رہنما مجیب الرحمان انصاری سمیت کئی شہری شہید ہوگئے ہیں۔
پولیس کا کہنا ہے کہ مجیب الرحمان اپنے محافظوں اور شہریوں کے ساتھ مسجد کی جانب جاتے ہوئے شہید ہوگئے۔ البتہ ہلاکتوں کی کل تعداد کے بارے میں کچھ بھی کہنا قبل از وقت ہوگا
طالبان حکام کا کہنا ہے کہ حکومت میں آنے کے بعد انھوں نے اداروں کی سیکورٹی کے حوالے سے بہت کام کیا ہے اس کے باوجود مختلف جگہوں پر دھماکوں کا سلسلہ شروع ہوگیا ہے۔ خاص طور پر نماز پڑھنے کی جگہوں کو نشانہ بنایا جارہا ہے۔