سوشل میڈیا پر سیلاب سے متاثرہ علاقوں کی ایسی کئی ویڈیوز موجود ہیں جو کہ سب کی توجہ حاصل کر رہی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سندھ میں موجود انڈس ہائی وے اس وقت سیلابی پانی کی وجہ سے نہر کا منظر پیش کر رہا ہے، سیلابی ریلے کا پانی اس وقت پورے ہائی وے پر موجود ہے۔
سخت دھوپ کے باوجود ہائی وے پر گہرا پانی موجود ہے، جو کہ تھم ہوا نہیں ہے بلکہ چلتا پانی ہے۔ ساتھ ہی اسی نہر نما سیلابی ریلے میں کئی گاڑیاں بھی ڈوبی ہوئی ہیں۔
انڈس ہائی وے پر ناتھان شاہ سے دادو شہر کو جانے والا راستہ شدید سیلابی صورتحال ہے، یوں معلوم ہو رہا ہے کہ جیسے یہاں کوئی روڈ تھا ہی نہیں بلکہ نہر تھی۔
گہرے پانی میں ٹرالر بھی الٹ چکا ہے، اور اب یہ ٹرالر یوں معلوم ہو رہا ہے کہ جیسے کافی عرصے سے یہی موجود ہے۔ سوشل میڈیا پر انڈس ہائی کی حالت زار دیکھ کر لوگ حیرت کا اظہار کر رہے ہیں۔