سیلاب متاثرین کے لیے بنائے گئے ریلیف کیمپ میں موجود لوگ اپنا سب کچھ لٹ جانے کے بعد بھی خوشیاں منانا نہیں بھولے جو ان کی مضبوطی کو ظاہر کرتا ہے۔
حیدر آباد کے ریلیف کیمپ میں دو جوڑوں کی شادی کی تقریب منعقد کی گئی جس سے ان کے دکھ خوشیوں میں بدل گئے۔ خیرپور سے آنے والے دو متاثرہ جوڑے رشتہ ازدواج میں منسلک ہوگئے۔
شادی کی تقریب نہایت سادگی اور خوبصورتی کے ساتھ منعقد کی گئی جس میں جوڑوں نے اپنے اپنے ثقافتی رنگ کے لباس زیب تن کیئے۔ باقاعدہ طور پر شادی کا اسٹیج بھی تیار کیا گیا اور ساتھ ہی رسمیں میں ہوئیں۔
دونوں نوجوان جوڑوں کا تعلق ضلع دادو کی تحصِل خیرپور ناتھن شاہ سے ہےاور پہنور برادری سے تعلق رکھتے ہیں۔ دونوں کی شادی پہلے سے طے تھی مگر سیلاب کی تباہی کے بعد ملتوی کر دی گئی تھی۔
تاہم ریلیف کیمپ میں یادگار شادی کرکے ان جوڑوں نے اپنی خوشگوار زندگی کا آغاز کیا۔