ایک دوسرے کی مدد کرنا اور اپنے مفاد سے زیادہ دوسروں کا خیال کرنے والے نیک بندے اس دنیا میں اب بھی موجود ہیں جو دوسروں کی زندگی کو پھولوں جیسا بنانے کا ہنر جانتے ہیں۔ ایک اچھا انسان وہی ہے جس کے ہاتھ اور پاؤں سے دوسرا انسان محفوظ رہے۔
کراچی کے علاقے
حیدری میں واقع ویٹ ہسپتال میں بطور گارڈ ملازمت کرنے والے منیر علی نے ایک ایسا قدم اٹھایا کہ ان کی جتنی تعریف کی جائے وہ کم ہے۔ گزشتہ روز ہسپتال میں ڈکیت گھس آئے
جن کے پاس اسلحہ بھی تھا۔
منیر علی نے بہادری سے مقابلہ کرتے ہوئے ایک ڈکیت کو گولی مار کر ہلاک کردیا۔
سیکیورٹی گارڈ نے اپنی جان کی فکر کیے بغیر ہسپتال کی حفاظت کی اور خود زخمی ہوگیا۔ ایس ڈی پی او نارتھ ناظم آباد اور ایس ایچ او نے منیر کی عیادت کرتے ہوئے انکو سراہا اور بہادری پر داد پیش کی۔
منیر کا کہنا ہے کہ:
"
اگر میں اس وقت اپنی جان کی پروہ کرتا تو ہسپتال میں موجود ہزاروں لوگوں کی زندگی خطرے میں پڑ جاتی، کوئی اپنے مالی اسباب سے ہاتھ دھو بیٹھتا تو کوئی شاید زندگی بھر کی جمع پونجی لُٹا چکا ہوتا۔ میں نے اپنی صاف اور نیک نیتی سے وہ قدم اٹھایا اور میرے خُدا نے مجھے سرخرو کیا۔
"