اسلام آباد کے مشہور نجی مال میں آگ لگ گئی جس کی خبر سوشل میڈیا ہر طرف پھیل گئی۔ نجی مال میں لگنے والی خوفناک آتشزدگی کی ویڈیوز وائرل ہو رہی ہیں۔
وفاقی دارالحکومت اسلام آباد کے سیکٹر ایف ایٹ میں واقع نجی مال میں آگ لگ گئی۔
ذرائع کے مطابق سیکٹر ایف ایٹ میں واقع نجی مال میں آگ لگی ہے، فائر بریگیڈ کی کئی گاڑیاں آگ بجھانے میں اس وقت مصروفِ عمل ہیں۔
آگ کیسے لگی اس حوالے سے کوئی وجہ تاحال سامنے نہیں آسکی ہے، آگ کے باعث عمارت سے دھواں اٹھتے دیکھا جاسکتا ہے۔
ابتدائی اطلاعات کے مطابق مال کے چوتھے فلور پر واقع فوڈ کورٹ کے کچن میں آگ لگی جو مال کے دیگر حصوں تک پھیل گئی۔
شاپنگ مال کی عمارت کی لمبائی کی وجہ سے فائربریگیڈ کو آگ پر قابو پانے میں دشواری کا سامنا کرنا پڑ رہا ہے۔ شہری نجی مال کی ویڈیوز بنا کر سوشل میڈیا پر اپ لوڈ کر رہے ہیں۔