پاکستان کے سب سے بڑے شہر کراچی میں ایک بار پھر بجلی کا بڑا بریک ڈاؤن ہو گیا ہے۔
سوشل میڈیا ذرائع کے مطابق اچانک 9:30 بجے سے 10 بجے کے درمیان ہونے والے بریک ڈاؤن نے سب کو پریشان کر دیا۔
بجلی کے بریک ڈاؤن سے متاثر ہونے والے علاقوں میں ڈی ایچ اے، شارع فیصل، ملیر، ائیر پورٹ، صدر، سرجانی سمیت کئی علاقے شامل ہیں۔
دوسری جانب کے الیکٹرک کے ترجمان عمران رانا کا کہنا ہے کہ شہر میں بجلی کے بریک ڈاؤن کی اطلاعات ہیں، اس حوالے سے تحقیقات کر رہے ہیں۔ کے الیکٹرک کی جانب سے کی جانے والی ٹوئیٹ میں بتایا گیا تھا کہ بحالی کا عمل شروع ہو چکا ہے تاہم اگلے 5 گھنٹوں میں مکمل بحال کر دی جائے گی۔