پاکستان میں آج قومی اسمبلی کی اہم سیٹوں پر ضمنی انتخابات ہو رہے ہیں، اتوار کے روز ہونے والے یہ انتخابات اس لیے بھی اہم ہیں کیونکہ سابق وزیرا عظم عمران خان خود 7 سیٹوں پر کھڑے ہو رہے ہیں۔
دوسری جانب پولنگ اسٹیشنز کے باہر روایتی جوش و خروش تو دکھائی دے رہا ہے وہیں، عوام کی جانب سے شدید گرمی میں بھی اپنا حق رائے دہی استعمال کرنے کے لیے گھروں سے نکل رہی ہے۔
لیکن اس سب میں ایک دلہا اپنی بارات چھوڑ کر ووٹ ڈالنے پہنچ گیا۔
سوشل میڈیا پر اس دلہے کی ویڈیو وائرل ہو گئی ہے کیونکہ جانا بارات لینے تھا مگر دلہا ووٹ ڈالنے پولنگ اسٹیشن پہنچ گیا۔
حلقہ این اے 157 میں اپنا ووٹ ڈالنے کے لیے دلہے راجہ نے نہ صرف دلہنیا کو انتظار کرایا بلکہ شادی کے مہمانوں سمیت شہریوں کو بھی حیران کر دیا۔