گذشتہ ہفتہ کراچی میں دو بھائیوں کے فلیٹ میں آگ سے جھلسنے کا افسوسناک واقعہ پیش آیا تھا جس کی سی سی ٹی سی فوٹیج سامنے آئی ہے۔
نوجوانوں کی سی سی ٹی وی فوٹیج دیکھ کر صارفین کو بہت دکھ ہوا کیونکہ ویڈیو مناظر انتہائی خطرناک تھے۔
سی سی ٹی وی فوٹیج کی شئیر کردہ تصویر میں دیکھا جا سکتا ہے نوجوان طلحہ آگ لگنے کے بعد گھر سے باہر آتا ہوا دکھائی دے رہا ہے اور اس کے جسم سے آگ کے شعلے اٹھ رہے ہوتے ہیں، طلحہ فلیٹ کے مین دروازے تک جاتا ہے پھر واپس اندر آتا ہے۔
فلیٹ کے ایک شخص نے جب طلحہ کو شعلوں میں لپٹا دیکھا تو اس پر پانی پھینک کر آگ بجھانے کی کوشش کی۔
واقعے سے متعلق پولیس نے بتایا کہ نوجوان طلحہ اور اس کا بھائی حمزہ جھلس کر جاں بحق ہوگئے جب کہ گھر کے دیگر 3افراد آگ سے جھلس کر زخمی ہوئے۔
ابتدائی تحقیقات کے مطابق آگ لگنے کا واقعہ شارٹ سرکٹ کے باعث چارجنگ پر لگا موبائل پھٹنے سے پیش آیا، دونوں نوجوان زمین پر سورہے تھے، موبائل پھٹنے سے گدے پر آگ لگی جس سے نوجوان آگ کی لپیٹ میں آگئے۔