وزن کم کرنے کی بات کرنا آسان ہوتا ہےمگر جب اس پر کام کرنے کی بات آتی ہے تو انسان صرف سوچتا ہی رہ جاتا ہے۔ ایسا معاملہ سو میں سے ساٹھ فیصد لوگوں کے ساتھ پیش آتا ہے۔
مگر جو افراد وزن گھٹانے میں کامیاب ہوجاتے ہیں تو ان کے تیور ہی بدل جاتے ہیں اور سب کو فخر سے بتاتے ہیں کہ اتنے دنوں میں اتنا وزن کم کیا اور طرح طرح کرشماتی ٹوٹکے دوسروں سے شئیر کرتے ہیں۔
ایک ایسا ہی نوجوان سامنے آیا ہے جس نے اپنا وزن کم کیا۔ وزن کم کرنے کے ساتھ ہی چہرے میں بھی اتنی تبدیلی نمایاں ہوئی کہ دیکھنے والوں کی آنکھیں کھلی کی کھلی رہ گئیں۔
آیئے اس نوجوان کی وزن کم کرنے کی کہانی جانتے ہیں کہ کتنے وقت میں اس نے کتنا وزن گھٹایا اور کس طرح یہ کام کیا۔
ڈیجیٹل پاکستان کے ویب چینل کو انٹرویو دیتے ہوئے کراچی سے تعلق رکھنے والے نوجوان زید نے اپنے وزن کم کرنے کے سفر کے بارے میں بتایا کہ میں اپنے وزن کے ساتھ جہاں بھی جاتا تھا وہاں لوگ میری بے عزتی کرتے تھے مجھے طعنے دیتے تھے کہ راشن ختم کررہا ہوں۔
بعد ازاں لوگوں کی باتوں سے تنگ آکر میں نے اپنے والدین سے مشورہ کیا کہ میں اپنا وزن کم کروں گا۔ زید کا کہنا تھا کہ بڑھے ہوئے وزن کے ساتھ زندگی گزارنا مشکل تھا، کپڑے صحیح نہیں آتے تھے پھر لوگ مذاق اڑاتے تھے اس وجہ سے میں نے ہمت کی اور وزن کم کیا۔
زید کا وزن 95 کلو تھا جس سے کم ہوکر اب 55 کلو ہوگا ہے۔ یعنی زید نے پورے 40 کلو وزن گھٹایا ہے جو کہ بہت بڑی اور کامیابی کی بات ہے۔
سونف، زیرہ، الائیچی، گرین ٹی یہ وہ چیزیں ہیں جن کے استعمال سے میں نے موٹاپے سے چھٹکارا حاصل کیا۔ ان کا کہنا تھا کہ لوگ سبز چائے کو اہمیت نہیں دیتے ہیں مگر یہ گرم چیز جب آپ کے جسم میں داخل ہوتی ہے تو چربی پگھلاتی ہے۔
بڑھتے وزن پر قابو پانے والے نوجوان زید درانی نے موٹاپے کا شکار افراد کو مشورہ دیا کہ یہ کام آسان ہے۔ بس آپ نے اپنے کھانے پینے کا خیال رکھنا ہے، کوئی ایسی چیز چھپ کر نہیں کھانی جس سے نقصان ہو کیونکہ یہ خود کی لڑائی ہوتی ہے۔