سوشل میڈیا پر ایک آڈیو کلپ تیزی سے وائرل ہورہی ہے جس کے بارے میں دعویٰ کیا جارہا ہے کہ وہ سابق خاتون اول بشریٰ بی بی اور عمران خان کے دیرینہ ساتھی زلفی بخاری کے درمیان ہونے والی گفتگو ہے جس میں کچھ گھڑیوں کے بارے میں بات ہورہی ہے۔ آڈیو سنیے
یہ گھڑیاں بیچ دیں
آڈیو کلپ میں آواز انتہائی صاف پے اور سنا جاسکتا ہے ایک خاتون سے سلام دعا اور خیریت پوچھی جارہی ہے جس کے بعد خاتون کی آواز آتی ہے کہ “خان صاحب کی کچھ گھڑیاں ہیں انھوں نے کہا ہے کہ آپ کو بھیج دوں۔ گھڑیاں ان کے استعمال کی نہیں ہیں اس لئے ان کا کہنا ہے کہ آپ انھیں بیچ دیں“
اس بات کے جواب میں مردانہ آواز آتی ہے کہ “جی مرشد ضرور میں کردوں گا۔ میں کردوں گا جی“
کیا یہ توشہ خانہ والی گھڑیاں ہیں
واضح رہے کہ جنگ اور ڈان نیوز پر دعویٰ کیا جارہا ہے کہ یہ آوازیں عمران خان کی اہلیہ بشریٰ بی بی اور زلفی بخاری کی ہیں۔ یہ شبہ بھی ظاہر کیا جارہا ہے کہ جن گھڑیوں کے بیچنے کا معاملہ ہے وہ توشہ خانہ والی گھڑیاں ہیں جو عمران خان کو بطور وزیر اعظم تحفے میں ملی تھیں۔ تاہم ابھی حتمی طور پر اس آڈیو کے بارے میں کچھ نہیں کہا جاسکتا۔