اسلام آباد: وفاقی وزیر اطلاعات مریم اورنگزیب نے کہا ہے کہ فارن ایجنٹ، آئین شکن اور گھڑی چور کا ڈٹ کر مقابلہ کریں گے۔
وفاقی وزیر اطلاعات مریم اورنگزیب نے اپنے ایک بیان میں کہا ہے کہ حکومتی اتحاد میں شامل جماعتوں کی جانب سے پنجاب اسمبلی کے انتخابات کے لیے جمع کرائے گئے کاغذات نامزدگی واپس نہیں لیے گئے۔
انہوں نے کہا کہ پارٹی قیادت نے کاغذات نامزدگی واپس لینے کا کوئی فیصلہ نہیں کیا تاہم حکومت میں شامل تمام جماعتیں ایک ہی دن ملک بھر میں انتخابات کی حامی ہیں۔
مریم اورنگزیب نے کہا کہ فارن ایجنٹ، آئین شکن اور گھڑی چور کا ڈٹ کر مقابلہ کریں گے۔
یہ بھی پڑھیں:
اس سے قبل قائد مسلم لیگ ن نواز شریف نے کہا کہ پارلیمنٹ نے بالکل درست قرارداد پاس کی ہے اور پارلیمنٹ کو بتانا چاہیے کہ وہ ایک بالادست ادارہ ہے۔
انہوں نے کہا کہ میں پارلیمنٹ میں پیش ہونے والی قرارداد کے حق میں ہوں۔