سینٹورس مال کے ملازمین پر تشدد کرنے کے الزام میں ملزم کی گرفتاری کے لیے وارنٹ موصول ہوگئے۔
وزیراعظم آزاد کشمیر تنویر الیاس کے بیٹے عمر تنویر کی وارنٹ گرفتاری پولیس نے حاصل کر لیے۔ مارگلہ پولیس نے ڈیوٹی جج محمد نوید خان کی عدالت سے وارنٹ گرفتاری حاصل کیے گئے۔
وارنٹ گرفتاری عمر تنویر اور اس کے ملازمین داؤد، اللہ نور اور محمد سلیم کے حاصل کیے گئے ہیں۔ عمر تنویر سمیت چار ملازمین کے خلاف سینٹورس مال ڈائریکٹر ایچ آر کی مدعیت میں مقدمہ درج کیا گیا ہے۔
مقدمے کے مطابق عمر تنویر کی ایما پر مسلح افراد کے ہمراہ ملازمین کو تشدد کا نشانہ بنایا گیا ہے۔ ملازمین کو عمر تنویر کے آفس میں حبس بے جا میں رکھا گیا۔