پشاور زلمی کے سربراہ اور ہائیر کمپنی کے سی ای او جاوید آفریدی نے پاکستان سپر لیگ (پی ایس ایل) کے نوے ایڈیشن میں شامل ہونے والی نئی ٹیموں کے حوالے سے خاموشی توڑ دی۔
سماجی رابطے کی ویب سائٹ فیس بک پر جاوید آفریدی نے ایک صارف کی جانب سے کیے گئے کمنٹ کا جواب دیا۔ صارف نے سوال کیا کہ پی ایس ایل کے اگلے ایڈیشن میں شامل ہونے والے نئی ٹیمیں کس شہر کی ہونگی؟
جواب میں جاوید آفریدی نے دو شہروں کے نام بتاتے ہوئے کہا کہ سیالکوٹ اور فیصل آباد کی ٹیمیں اگلے پی ایس ایل میں شامل ہونگی۔
واضح رہے کہ اس سے قبل چیئرمین پاکستان کرکٹ بورڈ (پی سی بی) نجم سیٹھی کی جانب سے بھی یہ بیان دیا گیا تھا کہ ان کی خواہش ہے کہ اگلے پی ایس ایل میں دو نئی ٹیموں کا اضافہ کیا جائے۔