اسلام آباد کیپٹل ٹیریٹری انتظامیہ نے تہذب بیکرز بلیو ایریا برانچ کو عوام کی صحت سے کھیلنے پر سیل کر دیا ۔
پرو پاکستانی کے مطابق حال ہی میں بیکری عملے کے 6 ارکان کے ہیپاٹائٹس ٹیسٹ مثبت آئے۔حکام یہ معاملہ تہذیب بیکرز کی انتظامیہ کے نوٹس میں لائے اور انہیں ہدایت کی تھی کہ کارکنوں کو فوری طور پر کام کرنے سے روکا جائے۔
تاہم، تہذیب بیکرز کی انتظامیہ نے احکامات پر عمل کرنے کے بجائے مذکورہ 6 کارکنوں کو کام جاری رکھنے دیا۔ جس کے نتیجے میں کیپیٹل ڈویلپمنٹ اتھارٹی (سی ڈی اے) کے سینئر سپیشل مجسٹریٹ نے تہذب بیکرز کو سیل کر دیا۔
مجسٹریٹ کے نوٹس میں کہا گیا ہے کہ تہذیب بیکرز نے سنگین خلاف ورزیاں کی ہیں اور وہ عوام میں بڑے پیمانے پر ہیپاٹائٹس کی منتقلی کا ذمہ دار ہے۔
لہٰذا تہذیب بیکرز کو عوام میں ہیپاٹائٹس کی منتقلی کا باعث بننے پر سیل کر دیا گیا ہے۔ نوٹس میں مزید کہا گیا کہ امید ہے کہ تہذیب بیکرز کو سیل کرنے سے عوام ہیپاٹائٹس سے بچ جائیں گے۔