ایف بی آئی نے مسافروں اور بازار میں خریداری کرنے والوں کو خبردار کیا ہے کہ فون چارج کرنے کے عوامی پوائنٹس سے چارجنگ نہ کریں۔
امریکی تحقیقاتی ایجنسی کا کہنا ہے کہ شرپسند عناصر ان چارجنگ پوائنٹس کو ہیک کرکے شہریوں کے فون اور کمپیوٹرز میں وائرس یا ٹریکنگ سافٹ ویئر ڈال سکتے ہیں۔
ایف بی آئی نے ٹوئٹ کرتے ہوئے کہا کہ شرپسند عناصر نے عوامی یو ایس بی پورٹس کو استعمال کرتے ہوئے آپ کی الیکٹرانک ڈیوائسز میں وائرس یا مانیٹرنگ سافٹ ویئر ڈالنے کے طریقے بنا لیے ہیں۔
عوام کو کہا گیا ہے کہ آپ اپنا چارجر اور یو ایس بی کیبل خود لے کر نکلیں اور الیکٹرک پوائنٹ استعمال کریں۔ایئرپورٹ، ہوٹل یا شاپنگ سینٹر میں مفت کے ڈیوائس چارجنگ اسٹیشنز کو استعمال نہ کیا جائے۔
Avoid using free charging stations in airports, hotels or shopping centers. Bad actors have figured out ways to use public USB ports to introduce malware and monitoring software onto devices. Carry your own charger and USB cord and use an electrical outlet instead.
— FBI Denver (@FBIDenver)