نیوزی لینڈ نے پاکستان کو پانچویں ایک روزہ میچ میں 49 رنز سے شکست دیدی۔
تفصیلات کے مطابق پانچویں اور آخری ون ڈے میچ میں نیوزی لینڈنے پاکستان کو جیت کیلئے 300 رنز کا ہدف دیا لیکن پاکستان کی پوری ٹیم 252 رنز پر آئوٹ ہوگئی ۔
کراچی میں کھیلے جارہے آخری ون ڈے میچ میں نیوزی لینڈ کے کپتان ٹام لیتھم نے ٹاس جیتا اور بابر اعظم کو بولنگ کی دعوت دی۔
پاکستان کی نپی تلی بائولنگ کے سامنے نیوزی لینڈ کی پوری ٹیم 50 ویں اوور میں 299 رنز پر آؤٹ ہوگئی۔
نیوزی لینڈ کی جانب سے ول ینگ نے 87 رن کی شاندار اننگز کھیلی۔کیویز کپتان ٹام لیتھم 59 اور چیپمین 43 رن کی اننگز کھیل پائے۔
جواب میں پاکستان کی پوری ٹیم 46.1 اوورز میں 252 رنز پر ہی ڈھیر ہوگئی ، پاکستان کی جانب سے افتخار احمد نے مزاحمت کی لیکن دوسرے اینڈ پر کوئی بیٹر ان کا ساتھ نہ دے سکا۔افتخار احمد 94 رنز بنا کر ناٹ آئوٹ رہے۔آغا سلمان نے 57 رنز کی اننگز کھیلی۔
پاکستان کی جانب سے شاہین آفریدی نے 3 وکٹیں حاصل کیں،شاداب خان، حارث رؤف اور اسامہ میر کے حصے میں 2،2 وکٹیں آئیں ۔
آخری ون ڈے کے لیے پاکستان کی جانب سے شان مسعود، فخر زمان، بابر اعظم، محمد رضوان، افتخار احمد، سلمان علی آغا، شاداب خان، اسامہ میر، شاہین شاہ آفریدی، وسیم جونیئر اور حارث رؤف ٹیم کا حصہ ہیں۔
پاکستانی ٹیم کو شدید دھچکا، اہم کھلاڑی نیوزی لینڈ کیخلاف سیریز سے باہر
نیوی لینڈ کی ٹیم میں کپتان ٹام لیتھم ، وِل ینگ ، ٹام بلنڈل ، ہینری نکلز ،کول مکونچی، مارک چیپمین ، ایڈم ملنے ، ہینری شپلے ، ایش سوڈھی اور میٹ ہینری شامل ہیں۔
آج کی شکست کے بعد پاکستان ون ڈے رینکنگ میں پہلی پوزیشن سے محروم ہوگیا۔