الجزائر سے تعلق رکھنے والا یہ نوجوان اپنی ماں کے انتقال کے بعد قبرستان میں ان کی قبر کے پاس ہی رہنا شروع کردیا۔ یہ لڑکا 2 سال سے ماں کی قبر کے پاس ہی لیٹا اور بیٹھا رہتا ہے سارا دن اور رات بھی اکثر یہ یہیں قبرستان میں رہتا ہے۔
تفصیلات کے مطابق جنوبی الجزائر کے صوبہ ادرار کے ولید احمد تیمی کی میونسپلٹی کے باب اللہ پیلس سے تعلق رکھنے والے اسماعیل بیرابہ اپنی والدہ کی وفات کے غم سے نکل نہ پائے اور انہوں نے اپنی ماں سے قریب رہنے کے لیے ان کی قبر کو ہی اپنا مقام بنا لیا۔
سوشل میڈیا پر لوگوں نے ایک ویڈیو کلپ نشر کیا ہے جس میں اسماعیل کو اپنی والدہ کی قبر کے پاس پیٹ کے بل لیٹے ہوئے دکھایا گیا تھا۔ اس کی والدہ دو سال قبل فوت ہوگئی تھی۔
بتایا جاتا ہے کہ اس کے گھر میں کوئی دوسرا نہیں۔ والدہ کی موت کے بعد یہ اکیلا پڑ گیا اس نے سب کچھ چھوڑ دیا اور کھانا کسی فلاحی ادارے سے کھا لیتا ہے یا قبرستان میں آنے جانے والے اس کو ہمدردی کے طور پر دے دیتے ہیں۔ یہ اپنی ماں کی جان بچانے کے لیے ہر طرح کی کوشش کرکے ناکام ہوا تو اس نے زندگی میں کچھ اور کرنے کا نہ سوچا اور اب صرف ماں کے پاس رہتا ہے، اس کی گود کو محسوس کرنے کی کوشش کرتا ہے لیکن اس کی مراد پوری نہیں ہو رہی۔