پالتو بلی چھٹی منزل سے گرنے کے باوجود بھی زندہ بچ گئی۔ بلی معمولی زخمی ہوئی لیکن اس کی جان بچ گئی۔ بلی کے نیچے گرنے کی ویڈیو سوشل میڈیا پر وائرل ہوگئی۔ تفصیلات کے مطابق تھائی لینڈ کے دارالحکومت بنکاک میں بلی چھٹی منزل سے گرنے کے بعد بھی زندہ بچ گئی۔
بلی کے مالک نے گاڑی کی تصویر سوشل میڈیا پر شیئر کی اور بتایا کہ 4 دن پہلے بلی گھر کی بالکنی پر موجود تھی اور پاؤں پھسل جانے کی وجہ سے وہ نیچے کھڑی گاڑی کے شیشے پر جا گری جس سے گاڑی کا شیشہ ٹوٹ گیا۔
بلی کا وزن ساڑھے 8 کلو ہے جسے حادثے کے بعد ڈاکٹر کے پاس لے جایا گیا تو پتہ چلا کہ اس کے پنجوں پر زیادہ چوٹ آئی، ناک پر معمولی چوٹ آئی جبکہ اب اس کی حالت نارمل ہے۔