کراچی: ہاکس بے کے مقام پر سمندر میں پانی کی سطح بلند ہوگئی ہے اور پانی ہاکس بے میں مچھلی چوک تک سڑک پر آگیا ہے۔
اس ضمن میں ملنے والی اطلاعات کے مطابق پکنک پوائنٹ ٹرٹل بیچ کے قریب بھی مرکزی شاہراہ زیر آب آگئی ہے۔
علاقہ پولیس کے مطابق سمندری پانی میں طغیانی سے ساحل کے کنارے بنے متعدد ہٹس کی دیواریں گرگئی ہیں۔
علاقے سے موصولہ اطلاعات کے مطابق ٹرٹل بیچ سے کچھ فاصلے پر واقع عبد الرحمان گوٹھ کے زیر آب آنے کا بھی خدشہ موجود ہے۔
واضح رہے کہ انتظامیہ اور پولیس حکام کی ہدایت پر سرکاری اہکاروں نے ساحل کی جانب جانے والے تمام راستوں کو بلاک کر رکھا ہے۔