وفاقی حکومت نے عیدالاضحیٰ کی اعلان کردہ چھٹیوں میں ایک دن کا مزید اضافہ کر دیا ہے جس کے بعد ہفتے میں پانچ دن کم کرنے والے ملازمین کی 28 سے 30 جون تک چھٹیاں ہوں گی۔
جمعرات کو وزیراعظم ہاؤس سے جاری ہونے والے نوٹیفیکیشن میں کہا گیا ہے کہ ہفتے میں پانچ دن کام کرنے والے ملازمین کو عید الاضحیٰ کے موقع پر بدھ، جمعرات اور جمعہ یعنی تین تعطیلات دی جائیں گی۔نوٹیفیکیشن کے مطابق ہفتے میں چھ دن کام کرنے والے ملازمین کو 28 جون سے یکم جولائی تک چار دنوں کی تعطیلات دی جائیں گی۔اس سے قبل وزارتِ داخلہ کی جانب سے ایک نوٹیفیکیشن جاری کیا گیا تھا جس میں ہفتے میں پانچ دن کام کرنے والے ملازمین کے لیے دو اور ہفتے میں چھ دن کام کرنے والے ملازمین کے لیے تین چھٹیوں کا اعلان کیا گیا تھا۔پاکستان میں عید الاضحیٰ 29 جون بروز جمعرات ہو گی۔