ایل ڈی اے کے 3 سینئر افسران کرپشن کے الزام میں گرفتار کرلئے گئے۔
ترجمان اینٹی کرپشن کے مطابق افسران نے ایک پارٹی سے غیر قانونی طور پر کمپلیشن سرٹیفکیٹ کے اجراء کیلئے رشوت لی۔
اینٹی کرپشن نے الزام ثابت ہونے پر مقدمہ درج کر کے ملزمان کو گرفتار کر لیا۔
ایل ڈی اے کے ڈائریکٹر، ڈپٹی ڈائریکٹر اور اسسٹنٹ ڈائریکٹرگرفتار ہونے والوں میں شامل ہیں ۔
تینوں ملزمان کا تعلق ایل ڈی اے ٹاؤن پلاننگ ونگ 2سے ہے،ملزمان نے 30 لاکھ روپے رشوت لے کر پلان منظور کیا۔
ملزمان نے قومی خزانے کو تقریباً 8کروڑ 60لاکھ روپے کا نقصان پہنچایا۔