وہ لوگ جو اکثر و بیشتر سفر میں رہتے ہیں اس بات سے واقف ہوتے ہیں کہ مختلف ہوٹلوں میں ٹہرنا ہر بار اچھا تجربہ ثابت نہیں ہوتا۔ ہر جگہ کا معیار اچھا نہیں ہوتا. اس لئے آج ہم چند مشکلات سے نمٹنے کی ٹرکس آپ کو یہاں بتا رہے ہیں۔
اگر آپ کسی کے گھر میں مہمان ہیں اور آپکو لگتا ہے دروازہ کھٹکھٹائے بغیر لوگ آپ کے کمرے میں آجاتے ہیں یا ہوٹل کا عملہ اس بات کا دھیان نہیں رکھتا تو دروازے کے ہینڈل پر ایک گلاس پھنسا دیں۔ ایسا کرنے سے ایک تو دروازہ فوری طور پر نہیں کھلے گا دوسرا آواز سے آپ بھی چوکنے ہوجائیں گے
کھڑکیوں کے بیچ پردے میں جگہ ہونے کی وجہ سے دھوپ آتی ہے یا آپ کی پرائیویسی متاثر ہوتی ہے تو ہینگر میں کلپس لگا کر ایسے استعمال کریں۔
کچھ بلب ایسے ہوتے ہیں جو بند نہیں ہوتے اور مسلسل جلتے ہیں. ان پر پرانے میگزین یا اخبار لگا کر روشنی کم کی جاسکتی ہے۔