خیبر پختونخوا میں سکیورٹی فورسز نے انٹیلی جنس بنیاد پر تین مختلف کارروائیوں کے دوران فتنہ الہندوستان کے 19 خوارج کو ہلاک کر دیا۔
آئی ایس پی آر کے مطابق پہلی کارروائی ضلع مہمند کے علاقے گُلونُو میں کی گئی جہاں خوارج کے ایک ٹھکانے کو نشانہ بنایا گیا اور شدید فائرنگ کے تبادلے کے بعد بھارتی سرپرست یافتہ 14 خوارج ہلاک ہوگئے۔
دوسری کارروائی شمالی وزیرستان کے علاقے دتہ خیل میں کی گئی اور وہاں مزید 4 خوارج کو ہلاک کیا گیا۔ اسی طرح تیسری کارروائی بنوں میں ہوئی جس میں ایک خارجی کو واصلِ جہنم کردیا۔
شعبہ تعلقات عامہ کے مطابق دو روز میں فتنہ الہندوستان کے 19 خوارج کو ہلاک کیا گیا۔ بھارتی سرپرستی یافتہ دہشت گردوں سے اسلحہ اور گولہ بارود بھی برآمد ہوا ہے جبکہ علاقے میں مزید کلیئرنس آپریشن جاری ہے تاکہ دیگر چھپے ہوئے خوارج کا خاتمہ کیا جا سکے۔