ملک میں جاری لوڈ شیڈنگ کے معاملے پر وزارت توانائی کا بیان سامنے آگیا۔
وزارت توانائی کے مطابق 25 اور 26 دسمبر کو ملتان ریجن اور دیگر ڈسکوز کے متعدد گرڈ سٹیشنوں کے ٹرپ ہونے کی وجہ سے لوڈ شیڈنگ ہوئی۔
دھند کی وجہ سے ہائیڈل جنریشن میں کمی آئی جس سے نظام میں توازن پیدا کرنے میں رکاوٹیں پیدا ہوئیں۔این ٹی ڈی سی سسٹم کو ان موسمی حالات اور کم ہائیڈل جنریشن کی وجہ سے ایک مشکل وقت کا سامنا ہے۔
نظام کو کام کرتے رہنے کے لیے لوڈ مینجمنٹ کے ذریعے پیداوار میں موجودہ کمی سے نمٹا جا رہا ہے۔کینال بندش کی وجہ بجلی کی 1600 میگاواٹ پیداوار میں کمی واقع ہورہی ہے۔
ایل این جی کی کمی کی وجہ سے 700 میگا واٹ کی کمی ہے۔بجلی پیداکرنے کے لئے فرنس آئل کا استعمال کیا جا رہا ہے۔لوڈشیڈنگ میں کمی کے لیے کوششیں جاری ہیں ۔