اسلام آباد۔2جنوری (اے پی پی):چیئرمین سینیٹ نے ایوان بالا کے اجلاس میں متعلقہ وزراء کی غیر حاضری کے معاملے کا نوٹس لیتے ہوئے وزیراعظم کو خط لکھنے کی ہدایت کر دی ہے۔
منگل کو ایوان بالا کے اجلاس میں اپوزیشن لیڈر ڈاکٹر شہزاد وسیم نے کہا کہ ایوان میں وقفہ سوالات کے دوران متعلقہ وزراء کو موجود ہونا چاہیے جس پر چیئرمین نے سیکرٹری سینیٹ کو ہدایت کی کہ وہ وزیراعظم کو خط لکھیں کہ تمام متعلقہ وزرا وقفہ سوالات کے دوران ایوان میں اپنی حاضری یقینی بنائیں۔