راولپنڈی۔9جنوری (اے پی پی):شمالی وزیرستان میں آپریشن کے دوران شہید ہونے والے پاک فوج کے جوان حوالدار محمد ظاہر کی نماز جنازہ منگل کو ان کے آبائی علاقے میں ادا کردی گئی۔ آئی ایس پی آر کے مطابق نماز جنازہ ادا کرنے کے بعد حوالدار محمد ظاہر کی تدفین پورے فوجی اعزاز کے ساتھ کی گئی۔
نماز جنازہ میں پاک فوج کے حاضر سروس افسران، شہید کے عزیز و اقارب اور مقامی لوگوں کی کثیر تعداد نے شرکت کی۔ آئی ایس پی آر کا کہنا ہے کہ سکیورٹی فورسز مادروطن سے دہشت گردی کی لعنت کے خاتمے کے لئے پرعزم ہیں۔