نگران وزیر اعظم انوار الحق کا کڑ نے کہا ہے کہ پر امن احتجاج حق ہے، انتشار پھیلانے کی اجازت نہیں دی جائے گی، جیت اور ہار جمہوری عمل کے موروثی پہلو ہیں بے ضابطگیوں سے متعلق ابہام پر متعلقہ فورمز سے رجوع کیا جائے۔
وزیر اعظم آفس کے میڈیا ونگ سے جاری بیان میں انہوں نے کہا کہ حالیہ انتخابات جمہوریت کے فروغ کی طرف قدم ہے ، انتخابات میں نمایاں ٹرن آؤٹ کو عالمی سطح پر تسلیم کیا گیا جیت اور بار جمہوری عمل کے موروثی پہلو ہیں بے ضابطگیوں سے متعلق ابہام پر متعلقہ فورمز سے رجوع کیا جائے۔
نگران وزیر اعظم نے کہا کہ مقننہ اور عدلیہ غیر جانبدرانہ انصاف کی فراہمی کیلئے متحرک ہیں، پر امن احتجاج حق ہے، انتشار پھیلا نیکی اجازت نہیں دی جائیگی ، انتشار پھیلانے والوں سے قانون کے مطابق نمٹا جائیگا ۔
کسی بھی قسم کے تشد دیا اس پر اکسانے والوں کو معاف نہیں کیا جائے گا نازک وقت میں انتشار برداشت نہیں، قانون اپنا راستہ خود اختیار کرے گا ، انتشار صرف دشمن قوتوں کے ایجنڈے کو آگے بڑھانے کا کام کرتا ہے۔
وزیر اعظم نے کہا کہ اس نازک وقت میں انتشار برداشت نہیں کیا جائے گا، یہ صرف ملکی اور غیر ملکی دشمن قوتوں کے ایجنڈے کو آگے بڑھانے ، استحصال اور امن و امان کے سنگین چیلنجز پیدا کرنے کے لئے کام کرتا ہے۔
انکا کہنا تھا کہ نگران حکومت صبر و حمل کی درخواست کرتی ہے، کیونکہ سیاسی جماعتیں وفاقی اور صوبائی دونوں سطحوں پر جمہوری روایات اور اصولوں کے مطابق حکومتیں بنانے کے لئے مشاورت میں مصروف ہیں۔ ہم امید کرتے ہیں کہ یہ گل باہمی افہام وتفہیم اور احترام کے ساتھ جلد از جلد انتقام پذیر ہوگا۔