مقامی اور عالمی مارکیٹ میں سونے کی قیمتوں میں بڑی کمی ریکارڈ ہوئی ہے۔
آل پاکستان جیمز اینڈ جیولرز ایسوسی ایشن کے مطابق مقامی مارکیٹ میں سونے کی قیمت میں 5 ہزار 5سو روپے کمی کے بعد فی تولہ سونا 4 لاکھ 70 ہزار 162 روپے کا ہوگیا ہے۔
10 گرام سونے کی قیمت میں 4 ہزار 715 روپے کمی کے بعد قیمت 4 لاکھ 3 ہزار 88 روپے ہوگئی ہے۔
عالمی مارکیٹ میں 55 ڈالر کمی کے بعد فی اونس سونے کی قیمت 4 ہزار 478 ڈالر ہوگئی ہے۔
فی تولہ چاندی کی قیمت میں بھی آج 332 روپے کی کمی ہوئی ہے ، جس کے بعد فی تولہ چاندی کی قیمت 8 ہزار 75 روپے ہوگئی ہے۔
عالمی مارکیٹ میں چاندی کی قیمت میں 32.3 ڈالر کمی کے بعد 76 ڈالر فی اونس ہے۔