پاکستان مسلم لیگ ن کی طاقت مزید اضافہ ، پنجاب اسمبلی کے 2 مزید آزاد ارکان پاکستان مسلم لیگ (ن) کا حصہ بن گئے۔
پنجاب اسمبلی کی نشستوں پی پی 180 قصورسے کامیاب امیدوار احسن رضا خان اور پی پی 128 جھنگ سے کامیاب حاصل کرنیوالے کرنل (ر) غضنفر قریشی نے پاکستان مسلم لیگ ن کی چیف آرگنائزر مریم نواز سے ملاقات کرنے کے بعد ن لیگ میں باقاعدہ شمولیت کا اعلان کیا۔
پی ٹی آئی کا چیف الیکشن کمشنر سے فوری استعفیٰ دینے کامطالبہ
ن لیگ کی نائب صدر و نامزد وزیراعلی پنجاب مریم نواز نے احسن رضاخان اور کرنل (ر)غضنفر قریشی کی پارٹی میں شمولیت کا خیرمقدم کیا اور انہیں مبارکباددی۔
اس موقع پر مریم نواز نے کہا کہ آپ کی حمایت ملک کو تباہی سے ترقی کی طرف واپس لائے گی، انتشار ختم کرکے پاکستان کو استحکام کی طرف لےجاناچاہتے ہیں ، پنجاب کی ترقی اور عوام کو ریلیف دینے کی جامع حکمت عملی تیار کرلی ہے۔
پی ٹی آئی کا چیف الیکشن کمشنر سے فوری استعفیٰ دینے کامطالبہ
علاوہ ازیں بلوچستان کی صوبائی نشستوں پی بی 41 اور 51 سے نو منتخب آزادارکان ولی محمد اور عبد الخالق نے صدر مسلم لیگ ن شہباز شریف سے ملاقات کی اور مسلم لیگ ن میں شمولیت ا ختیار کی ہے۔
شہباز شریف نے ولی محمد اور عبد الخالق کون لیگ میں شمولیت پر مبارکباد پیش کی اور کہا کہ آپ نے پاکستان کے استحکام کیلئے کردار ادا کیا جو لائق تحسین ہے، پاکستان کو انتشار نہیں استحکام کی ضرورت ہے۔
آئین کے تحت انتخابات کے بعد قومی اسمبلی کا اجلاس 29 فروری تک بلایا جا سکتا ہے، مرتضی سولنگی
صدرن لیگ کا کہنا تھا کہ مسائل لڑائی سے نہیں بات چیت اور مل کر چلنے سے ہی حل ہو سکتے ہیں، پاکستان کی ترقی کے لئے بلوچستان کی ترقی کو اولین تقاضا سمجھتے ہیں۔