راولپنڈی ۔13مارچ (اے پی پی):خواجہ محمد آصف نے بطور وزیر دفاع و دفاعی پیداوار اپنے عہدے کا باضابطہ چارج سنبھال لیا۔بدھ کو سیکرٹری دفاع، لیفٹیننٹ جنرل (ریٹائرڈ) حمود الزماں خان نے وزارت دفاع، راولپنڈی پہنچنے پر ان کا پر تپاک استقبال کیا۔ وزارت میں دونوں وزارتوں کے سینئر افسران کے ساتھ ایک تعارفی میٹنگ ہوئی۔ وزیر دفاع کو وزارتوں اور انکے انتظامی محکموں کے کردار اور کاموں بشمول اہم جاری سرگرمیوں کے بارے میں بریفنگ دی گئی۔اس موقع پر خطاب کرتے ہوئے وزیر دفاع نے کہا کہ حکومت مسلح افواج کی ضروریات کو پورا کرنے کے لیے زیادہ سے زیادہ تعاون فراہم کرے گی۔