ابوظہبی ۔18مارچ (اے پی پی):متحدہ عرب امارات کے صدر شیخ محمد بن زید سے ابوظہبی میں امریکی چیرٹی ورلڈ سینٹرل کچن ( ڈبلیو سی کے) کی سی ای او ایران گور نے ملاقات کی ۔
اردو نیوز کے مطابق ملاقات میں امارات کے بڑے اداروں اور ورلڈ سینٹرل کچن کے درمیان تعاون بڑھانے پر تبادلہ خیال کیا گیا جس کا مقصد غزہ میں جاری انسانی تباہی کے درمیان امداد کی فراہمی بہتر بنانا ہے۔علاوہ ازیں ورلڈ سینٹرل کچن کے زیر انتظام ایک بحری جہاز جس میں 200 ٹن خوراک اور اشیائے ضرورت لدی ہیں قبرص سے ایک نئی امدادی راہداری کے ٹیسٹ کے طور پرغزہ بھیجا گیا ہے جہاں مسلسل اسرائیلی فوجی کارروائیوں اور ناکہ بندی کے پانچ ماہ بعد قحط کی صورتحال ہے۔